حمايا بيحطلي..
خالد
بصراحة انا لفت نظري انك كنتي في المحاضرة بتكتبي كل كلمة بقولها وده نادر جدا لما الاقي طالب اوطالبه مهتمين بالمحاضرة كده وبيكتبو
داليا
بصراحة انا بحب اكتب كل كلمة بيقولها الدكاترة بحس اني بفهم اكتر لما برجع البيت وارجع الشرح بتاع حضرتك او اي دكتور تاني
خالد
واضح كده انك شاطرة وممتازة طيب ااا انا متعرفتش باسمك
داليا
انا أسمي داليا وبعدين هو حضرتك هتقرر عليا ولا ايه انا بحب المذاكرة ااه بس مش بحب حد يحسدني
خالد
لا متقلقيش انا مش هحسدك ولا حاجة انا بس بتمنى انك تفضلي على كده لان طبعا هيبقا في وشي لما يطلع من عندي طالبة ممتازة وكده
داليا
انا من ناحية الشطارة فانا شاطرة جدا يعني حضرتك بس لو عايز تعتمد عليا في اي حاجة هتلاقيني بسد علطول
خالد
ههههه واضح انك جدعه يا داليا طيب من ورايح انا موجود لو احتاجتي اي حاجة او اي شرح في المادة بتاعتي قولي لي وانا تحت امرك
داليا
ميرسي يادكتور مش عارفة اقول لحضرتك ايه كلك ذوق والله ااا عن اذن حضرتك
ومشيت من قدامة وهوفضل باصص عليا لحد لما مشيت خالص وفي البيت عند خالد رجع وباباه قاله
ها يادكتور ايه الاخبار قولي عملت ايه في الكلية الطلبة كويسين معاك ولا ايه النظام
خالد
طبعا يادكتور الطلبه كلهم رحبو بيا جدا وبقينا أصحاب من اول محاضرة
عبد الرحمن
بقيتو أصحاب انت ومين
خالد
ااا انا والطلبة يابابا ايه يادكتور عبد الرحمن ماتركز معايا كده اومال
عبد الرحمن
اااه ماشي انا مركز اهو ياسيدي المهم انت خلاص استقريت هنا مش ناوي تسافر أمريكا تاني ولا ايه
خالد
لا يادكتور اصل القاعده في مصر هنا شكلها هتعجبني اوي
عبد الرحمن
امممم ماشي يا دكتور خالد براحتك ياسيدي على العموم انا بس حبيت اطمن عليك اصل كنت بحسب الوضع هنا مش هيعجبك وتقولي انك هترجع تاني تسافر
خالد
لا ياحبيبي انا قاعد هنا أن شاء الله لو مكنش وجودي هيضايقك يادكتور
عبد الرحمن
يضايقني ازاى بس ياخالد ده كلام برضو ياحبيبي انت منور مصر كلها ياحبيبي
وفي البيت عندنا رجعت البيت وفضلت افكر في كلامه وقولت لنفسي
ده طلع وسيم اوي كده وشكلة مش صعب وشديد ولا حاجة زي ما قالت البت هبه انا عارفه ان البت دي متخلفه اصلا واي حد بيضحك عليها بكلمتين
وتاني يوم في الجامعة الدكتور خالد قالي
ياصباح الفل يا انسة داليا
داليا
صباح النور يادكتور ازي حضرتك
خالد
حضرتي كويس الحمد لله المهم قوليلي ذاكرتي الي قولته امبارح اصلي هسمع وهض*رب بالخرزانة
داليا
ههههه محسسني انك داخل تالته رابع كانت ايام والله
خالد
هههه ودي برضو ايام تتنسي دي احلي طفولة مشردة والله
وفضلنا انا وهو نضحك ونهزر مع بعض وقالي
خالد طيب يلا بينا على المحاضرة لحسن الوقت بيسرقنا وعندنا محاضرة ولا ايه
داليا
ااه صحيح يلا بينا
ودخلت انا وهو على المحاضره وانا قعدت مكاني جنب هبه وقالت لي
ايه ده انتي كنتي بايتة مع الدكتور ولا ايه
داليا
اتلمي يابت ده انا قابلتة على الباب برة دخلنا سوا ياكلبه
هبه
اصل داخلتكم مع بعض كده حسستوني انكم كنتم عايشين مع بعض ههههه
داليا
بطلي ياهبه وبعدين خلينا نركز في المحاضرة اسكتي هنطرد انا وانتي
هبه
معتقدش هو ممكن يطردني انا بس انما انتي لا طبعا
وعدينا اليوم وكنت خارجة من باب الكلية نده عليا دكتور خالد وقالي
داليا ممكن اوصلك في طريقي لو مش هيضايقك يعني
داليا
ميرسي يادكتور مش هينفع اصل انا ممكن طريقي يكون غير طريقك
خالد
ليه بقا ويمكن يكون طريقنا واحد ولا ايه تعالي بس اوصلك وهانشوف طريقنا ازاى
وركبت معاه العربية وقالي
يعني انا بقالي اسبوعين بدرس لك في الكلية ومعرفتش اي حاجة عنك
داليا
وحضرتك عايز تعرف ايه عني يعني
خالد
ااا يعني عايز اعرف ايه اللي خلاكي تدخلي كليه طب وايه اللي حببك عمتا فيها انا عن نفسي دخلتها لاني والدي اصلا دكتور جراح وكان عايزني ادخل طب زيه عشان ابقا جراح بس انا اخترت اني اكون دكتور باطني وبعدين عملت دكتوراه في أمريكا ورجعت ادرس هنا في الجامعة
داليا
أها يعني حضرتك راجع من امريكا اصلا
خالد
ايوه احنا كنا عايشين عمرنا كله هناك لحد لما بابا قرر انه يرجع مصر هو رجع قبلي من خمس سنين وبعدين انا خلصت دراسة ورجعت له
داليا
امممم مشاء الله يعني حضرتك من عيلة كلها دكاترة
خالد
ايوه يا داليا حتى امي كانت دكتورة قلب لكن اتوفت من سنتين
داليا
الله يرحمها يادكتور ويخلي لك والدك
خالد
يارب يا داليا متعرفيش الدكتور عبد الرحمن ده غالي عليا جدا
داليا
ربنا يبارك في عمره طيب البيت اهو وصلنا على فكرة
خالد
ايه ده بالسرعة دي على العموم هشوفك بكرة طبعا
داليا
اكيد طبعا مع السلامه
ومشيت وطلعت البيت وفضلت افكر فيه وبقينا انا وخالد بنتكلم علطول لحد لما قربنا من بعض وخالد قالي
انا بقيت معرفش اعدي يومك من غير ماشوفك يا داليا الصراحة انتي بقيتي حاجة مهمة في حياتي جدا
رديت عليه وانا مكسوفة وقولت
احم انا مش فاهمة حاجة ياخالد تقصد ايه
خالد
