هتجوز عليكى

أنس بقلق طب محدش طلع ليها ليه ي امى افرضى حصل ليها حاجة ولا عملت ف نفسها حاجة!

وفاء هى اللى زى دى بيجرى ليها حاجة دى زى القطط بسبع ارواح فكك

منها وتعال طمنى عامل ايه مع رغد

أنس ي امى مش وقته سبينى اطلع اشوف أمنية الاول ولما انزل هحكيلك

شد ايده منها وطلع ع فوق بسرعة وهى ع اخرها فتح باب الشىقة ولقى الدنيا ضلمة نده ع أمنية كتير بدون رد دخل ع الاوضة واتفاجئ ان هىدومها مش موجودة خرج بسرعة ولقى ورقة وظرف ع السفرة بص باستغراب ع الظرف وبعدين فتح الورقة وكانت جواب وفيه

انا حررتك من وجودى للابد ي أنس ي حب عمرى ي اللى فضلتك ع الكل ووقفت جنبك بنفسى وفلوسى لحد ما وقفت ع رجلك وبقى عندك البيزنس الخاص بيك واخر رد الجميل تروح تتجوز عليا وحجتك انك عاوز تخلف بدون ما تراعى مشاعرى وكسرة خاطرى لكن انا مقبلش اكون استبن ويشاركنى فيك حد وبما انه كان كله بموافقتك فامبروك عليك جوازتك الجديدة اما انا طىلقت نفسى منك والظرف اللى عندك من المحكمة بورقة الطىلاق ملحوظة اخيرة الجديدة اللى انت اتجوزتها دى نسخة منك متتفاجئش باللى هتشوفه منها اصل دى عمايلك واللى شوفته انا منك وكل واحد بيتعامل بأصله وهيتردلك مش اكتر

قفل أنس الجواب پغضب وفتح الظرف وكانت ورقة الطىلاق نزل جرى بدون ما يرد ع نداء امه المستمر وركب عربيته وطلع ع بيت اهل امنية وفتح ليه الباب مجدى ابوها

مجدى اهلا ي استاذ انس اتفضل ادخل

أنس انا مش جاى اتضايف فين أمنية عاوز اتكلم معاها لو سمحت

مجدى أمنية مش موجودة للاسف

أنس اومال فين من فضلك انا لازم اقابلها واتكلم معاها ضرورى

مجدى سافرت سابت مصر كلها

أنس پصذمة سافرت! ازاى وامتى وانت فين من ده كله تسافر من غير اذنى وكمان تطىلق غيابى هو ايه اللى بيحصل بالظبط

مجدى اللى بيحصل انك اتبطرت ع النعمه ومعرفتش قيمتها ولسه الايام الجاية هتعرفك قيمتها بجد لما تلاقى نفسك الوحيد اللى

طالع خسران لما تعرف اد ايه هى استحملتك انت واهلك وشافت منكم اسوء معاملة وكانت مستحملة وناسية كرامتها تحت شعار اسمه الحب وياريتك شيلتها ليها جميل

أنس هو انا اجرمت ولا عملت حاجة غلط انا اتجوزت ع سنة الله ورسوله بنتك عقيم ومبتخلفش وانا من حقى اكون اب

مجدى فعلا هى كانت غلطتها انها خاڤت ع مشاعرك وقدرتك من الاول

أنس يعنى ايه مش فاهم!