جوزي (31 سنة) عمل تحليل DNA لبنتنا (5 سنين) وطلع مش أبوها

يعني، هل في مجموعات دعم لأهالي الأطفال اللي اتبدلوا؟ دخلت أدوّر على جوجل مالقيتش حاجة خالص. ط

كل اللي بيطلعلي مقالات تافهة من مجلات صفرا حاطة وشوش أطفال مالهمش ذنب جنب فضايح مشاهير، أو قصص خيالية.

هنقول لبنتنا إزاي؟ مينفعش نقولها دلوقتي، علشان هتروح تقول لصحابها في المدرسة، وساعتها الدنيا كلها هتعرف، بس لازم نقول في وقت من الأوقات.

مش عارفة أنا عملت إيه علشان يحصلي كدا.

تحديث:

جوزي عرف بحوار البوست، ودخل صفحتي، ولقى تعليقات كتير عنّه… واللي بصراحة مكنتش لطيفة أوي.

ودلوقتي، طلب مني فرصة إنه يكتب وجهة نظره على نفس الأكونت، علشان الناس تبطّل تشتم فيه، فـ ياريت تكونوا لطاف.

أنا مش عارفة كام واحد فيكم وقع قبل كده في حفرة الشك في النفس، بس خليني أقولكم إنها مش مكان منطقي خالص.

بتكون أقل منطقية كمان لما يبقى النت كله بيقولك إن مراتك بتخو*نك، وإنها ناوية تاخد البيت، وتستغلّك، وإنها عمرها ما كانت بتحبك بجد، وأنت أصلًا كنت دايمًا حاسس إنها أحسن منك بكتير، فـ تبدأ تشوف كل حاجة على إنها دليل خيا*نة.