زوجوني معاقا

محمد: حاضر يا ماما

زهرة: تصبح على خير يا محمد

محمد: وانتى من أهله يا ماما

حس محمد بالتعب دخل ينام وعيونه على ساره لحد ماغلبه النىوم

وبعد كام ساعه

صحى من النىوم الصبح لقي ساره لسه نايمه وحس انها افضل من امبارح ملامحها هاديه ومريحه

فكمل نىومه بعد مااطمن عليها بعدها بساعه صحيت ساره ولقت محمد نايم جنبها بصت له بغيظ وكره قامت بسرعه مش طايقه تكون قريبة منه كده

دخلت الحمام اخدت شاور ولبىست هىدومها ونزلت تقعد مع زهره وزينه

زينه بمرح: صباحيه مباركه ياعروسه ها طمنينى الجواز حلو لا وحش؟!

سكتت ساره وابتسمت ابتسامه مصطنعه

زهره: عامله ايه دلوقتي ياحببتي خضتينا عليكى

ساره والدموع في عينيها: الحمدلله

زهره بحنان:هونى على نفسك ياساره بتفكرينى بنفسى قعدت اسبوع اعيط بعد الجواز افرحى ياحببتي دول احلي يومين في العمر كله

زينه: امال العريس فين؟!

ساره: لسه نايم انا هخرج في الجنينه اغير جو شويه

زهره: اتفضلي ياحبيبتى براحتك

ساره في نفسها: اعمل ايه دلوقتي ياربى دبر امرى ارجع لأهلي واقهرهم علي حالي بعد ماكانوا طايرين من الفرح امبارح ولا اعيش خدامه مع واحد قىاسي وما بيرحمش زى ده ؟!غلبتها دموعها وفضلت تبكى بقهر على كل

احلامها اللى انهارت فى لحظة واحدة!!!!

وفجأة لقت محمد قدامها بيبص لها وحست ان نظراته بقت اقل حده عن امبارح

محمد: اخبارك ايه النهارده ياساره؟!

مسحت ساره دموعها وردت من غير ماتلتفت له: الحمدلله

محمد: طيب تعالي عشان نفطر سوا انتى ما اكلتيش من إمبارح..

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

­ ­ ­ ­ ­ ­ ­ ­ ­ .

ساره : ماليش نفس وبعدين مايصحش اكل مع حضرتك ياسيدى

ظهر الغضب الشديد في وجه محمد: اما أقولك كلمه تتسمع يلا نفطر الفطار جاهز

ساره بعند: مش هتأكلنى غصب عنى!! قلتلك مش عايزه آكل….

محمد بغيظ: واضح اننا هنتعب أوى مع بعض

ساره: شكلنا مش هنلحق نتعب بعض مجرد مابابا وماما يوصلوا هروح معاهم

محمد بعصبية: يعنى ايه؟!!!