حماتي حامل

مها
بس انا لقيت الاختبار ده عندك في الاوضه يا حماتي من فتره وكمان بطنك الكبيره دي معناها ايه
اتوترت الحما وقالت
هاا لا انا عندي انتفاخ وبعدين البتاع اللي في ايدك ده انتي بتكدبي اكيد انا مش حامل..
مها
نشوف الموضوع ده مع ابنك بقي..
الحما
لا استني انا فعلا حامل بس مش هينفع حد يعرف..
_وقبل ما نبدأ حكايتنا اعرفكم علي البطله النهارده واللي اسمها مها بنت طيبه اووي وعندها تمنيه وعشرين سنه متجوزه ومش بتخلف وحماتها بتعاملها وحش جدا..
_وفي يوم اتاخرت مها في النوم ودخلت عندها حماتها وقالت..
ناديه
انتي يا بت انتي قومي يلاا نضفي البيت ده..
البيت برا عامل زي الزريبه وقاما مها من النوم وقالت
مها
يا حماتي انا مروقه البيت من بالليل ايه هو انا كل شويه اروقه..
ناديه
ايوه كل شويه يتنضف وبعدين مش عايزه تنضفي ليه وراكي العيل ولا يكونش وراكي العيل واحنا ما نعرفش.. خليني ساكته انا حطاه في قلبي ومش راضيه اتكلم
مها بحزن
دي حاجه بتاعت ربنا يا حماتي هو انا يعني كنت لقيت العيل وقولت لا مش عايزاه..
زعقت فيها ناديه وقالت
يبقي تسمعي الكلام وقومي فزي يلااا روقي البيت وانزلي هاتي خضار وجهزي الاكل قبل جوزك ما يرجع البيت..
طلعت ناديه ومها رفعت ايديها وقالت
منك لله يا شيخه ربنا ينتقم منك اشوف فيكي يوم يا بعيده..
_طلعت مها ونضفت البيت كويس وبعدين غسلت الهدوم وطلعت عشان تنشرهم بس قالت ليها ناديه..
ناديه
هاتي الهدوم دي انا هنشرها وانتي انزلي هاتي الطلبات بتاعت البيت من تحت..
مها پصدمه
ايه ده يا حماتي انتي صابغه شعرك وكمان حاطه مانكير..
زعقت فيها ناديه وقالت وانتي مالك انتي غوري اعملي اللي قولتلك عليه..
مشيت مها وقالت لنفسها بسخريه
شوف الوليه دي من كتر ما مدلعه نفسها تبان اصغر مني..
_نزلت مها بعد ما غيرت هدومها عشان تجيب طلبات البيت وقابلها اخوها الكبير اللي عايش لوحده بعد ما طلق مراته وقال ليها..
عادل
تعالي يا بت يا مها عايزك في كلمتين..
مها
خير يا عادل انا مش فاضيه لمشاكلك دي ورايا حاجات اد كده لازم اجيبها قبل ما حماتي تبهدلني..
عادل
يا بت تعالي ده انا جايلك في خير والله..
_دخلت مها معاه محل الموبيل بتاعه وقعدت معاه عشان تشوفه عايز ايه وقالت..
مها
خير ايه بقي ان شاء الله..
عادل
انتي عارفه اني مطلق ومراتي اخدت الواد ابني وسافرت البلد عند امها..
مها
اوعي يا اخويا تكون عايزني اروح ارجعها ليك لا انا مش فاضيه كفايه حماتي والهم اللي معيشاني فيه انا مش ناقصه شحطته..
عادل
ما انا هريحك من حماتك خالص يا بت انتي..
مها بحماس قالت ليه
هتخلص عليها صح..
عادل
مها
اومال انت عايز ايه ما تقول وتخلصني..
عادل
طيب اصبري عشان اعرف اتكلم هو انت مديني فرصه اتكلم اصلا..
مها
اديني اهو سكت عايز ايه..
عادل بثقه
عايز اتجوز حماتك يا بت يا مها..
اټصدمت مها وقامت وقفت وقالت
يا نهار ابوك مش فايت تتجوز حماتي ازاي يعني انت ناوي علي طلاقي ولا ايه..
عادل
هي مش مزهقاكي في عيشتك انا هخدها عندي تزهقني انا وتريحك انتي..
مها
انت يالا عبيط ولا عايز ټنتقم من نفسك دي اد امك الله يرحمها..
عادل بس حلوه ومش باين عليها سن وعجبااني وداخله مزاجي..
مها
يا ابن ابويا هي البنات الصغيره قصرت معاك في حاجه..
عادل
يووه بقي انا عجبااني دي وبعدين هي اكبر مني ب١٥ سنه مش فرق كبير يعني..
مها
بقولك ايه حسن اخويا لو عرف حاجه زي دي هيطلقني فيها..
عادل
بقول ليك ايه انا عايز الوليه دي يعني عايزها هتساعديني تبقي اختي حبيبتي مش هتساعديني انا هتصرف من نفسي بس انسي اني اخوكي
والشهريه اللي
—
بتاخديها انسيها..
مها بتفكير
طيب واللي يخليك تاخد اللي عايزه من الوليه دي وتريح مزاجك ومن غير جواز كمان..
عادل
ورحمة ابوكي وامك لو عملتي كده لاخليكي مش نقصاكي حاجه..
مها بخبث
انا هقول ليك نعمل ايه بس الاول عايزه شوية حاجات من اللي عندك في المحل هنا..
عادل
هتدفعي تمنهم كله الا بضاعة المحل..
مها
يا غبي دول لزوم الشغل..
عادل
طيب ما ترسيني ناويه تعملي ايه..
مها پحقد
هاخد منها حق اللي عملاه فيا وكسرة نفسي علي موضوع الخلفه تالت ومتلت بس اسمع اللي هقوله ليك وتنفذه بالحرف الواحد وهتلاقيها جاتلك راكعه تحت رجليك..
_بالليل كان حسن جوز مها قاعد
مع امه وقالت ليه
پحده..
ناديه
هاا اروح اكلم ام رشا علي البت..
حسن
ومها يا امي لا لا انا بحب مها ومش هتجوز عليها ابدا وهنروح لدكتور جديد يشوف الحاله بتاعتها…
ناديه
براحتك ما هي ركبت ودلدلت وخليك كده من غير عيل يسندك في الدنيا بعد ربنا وابقي تعالي تف عليا لو فلحت طول ما انت ماشي وراها..
طلعت مها من اوضة حماتها وقالت
جهزتلك الحمام يا حماتي وكمان طلعتلك هدوم وروقتلك اوضتك..
ناديه زقتها وقالت بعصبيه
وسعي كده من وشي جاتك الهم يا وش الفقر علينا..
عملت مها نفسها زعلانه وقالت لحسن
شايف امك يا حسن بقي تعمل فيا انا كده قدامك وانت قاعد ساكت مش يتتكلم..
حسن
حقك عليا يا مها معلش اتحمليها دي امي برضو ما اقدرش اعملها حاجه قولي ليا بس الواد سلكه صبي عادل اخوكي كان بيعمل ايه هنا..
مها بتوتر
هاا لا ابدا يا حبيبي دي بس الوصله بتاعت النت اللي جيباها من المحل معلقه كانت فا كان جاي يصلحها..
حسن
ماشي يا حبيبتي المهم انك ما تزعليش من امي اعتبريها امك يعني..
سكتت مها وقالت في سرها
امي وهي امي كانت هتعمل فيا اللي امك عاملاه بس خليها تستحمل شړ الحليم لما يغضب…
عادل
بقي دي عندها خمسين سنه دي بكتيرها اووي خمسه وتلاتين..بس هانت انا هجيبك لحد عندي يا حمات اختي..
_وتاني يوم صحيت مها من نومها بدري وطلعت جهزت فطار وروقت البيت وحماتها طلعت من اوضتها وقالت بعصبيه..
ناديه
ايه يا بت الكركبه اللي انتي عملاها عندك دي..
مها
كركبة ايه يا حماتي ما انا بروق زي ما بروق كل يوم ولا لازم انتي اللي تيجي تصحيني وتهزايني يعني..
ناديه
ايه انا مش بتكيف علي الصبح غير لما اهزاك واطلع الغل اللي جوايا فيكي يا ارض بور انتي…
مها
علي قلبي زي العسل يا حماتي هو انا ليا بركه الا انتي برضو..
ناديه
بطلي يا بت انتي تلزيق علي الصبح عارفه ليه عشان انا هجوزو يعني هجوزو وهخلي ابني يتجوز ويخلف وانتي يا تقعدي هنا تحت رجلي يا تغوري في ستين مصېبه تشيلك..
مها ببرود ردت عليها وقالت
اللي تشوفيه يا حماتي..
_سابتها حماتها ودخلت المطبخ وقالت مها لنفسها بغيظ..
مها
وحياة امك ماشي ان ما ندمتك علي اللي بتعمليه ده ما يبقاش اسمي مها..
طلعت ناديه من المطبخ ودخلت اوضتها لقيت تلفونها بيرن برقم غريب ردت وقالت..
ناديه
ايوه مين..
عادل
ايه يا ناديه الحلاوه دي كلها ده انتي ولا البنات اللي لسه في العشرين..
ناديه
انت مين يا جدع انت وازاي تكلمني كده ايه قلة الادب دي..
عادل
ناديه پخوف
انت عادل اخو اللي ما تتسمي مرات ابني ليه يا ابني كده ده انا قد امك..
عادل
عليكي نور انا عادل اللي هيبعتلك حته ليكي دلوقتي وتقوليلي ايه رئيك في التصوير بس اقسم بالله لو اختي عرفت حاجه او جيبتي سيره لاي حد هتلاقي الفديو منشور علي النت..
ناديه
انت عايز ايه طيب ليه بس بتعمل كده يا ابني..
عادل
هشششش بعدين اقولك سلام
مؤقت يا ناديه..
ناديه
يادي الجرسه
—
اللي وقعتي فيها يا ناديه علي كبر حسبي الله ونعم الوكيل..
_عدي الوقت وكانت ناديه مش راضيه تطلع من اوضتها دخلت عندها مها وقالت بهدوء
مها
مالك يا حماتي في حاجه تعباكي ولا ايه عشان حابسه نفسك في الاوضه قلقتيني عليكي..
اتعصبت ناديه وزعقت فيها وقالت
غوري امشي في داهيه من وشي جاتك الهم كان يوم اسود يوم ما نسبتهم يا قليلة الاصل انتي واهلك..
بصت ليها مها بشماته وقالت
ماشي يا حماتي بشوقك احنا هنجهز عشا وهناكل انا وحسن عايزه تيجي تاكلي معانا براحتك مش عايزه براحتك..
_قامت ناديه وقفلت الباب في وش مها وقعدت مستنيه عادل يكلمها وفعلا رن عليها وكانت الساعه
اتنين بالليل..
ناديه ردت وقالت
بقولك ايه انا ممكن اديك الفلوس اللي انت عايزها بس امسح الفديو ده انا
حمات اختك ترضي بيت اختك يتخرب..
عادل
ما يتخرب وبعدين هو انا ناقص فلوس يا ندود..
ناديه پخوف
اومال انت عايز مني ايه طيب..
عادل
هستناكي بكره تجيلي الشقه بتاعتي الساعه تلاته العصر..
ناديه
اجيلك ايه انت اټجننت..
عادل
هو انتي خليتي فيا عقل يا بطل
ناديه پبكاء
يا ابني انت بتقول ايه حرام عليك..
عادل
مستنيكي بكره ندود..
_قفل عادل في وشها وهي فضلت تبكي ومش عارفه تعمل ايه.. وقالت لنفسها بقلق
ناديه
طيب اعمل ايه بس يا ربي في المچنون ده..
_في اوضة مها وحسن وقف حسن وقال ليها بقلق..
حسن
بقولك ايه يا مها مدام الدكاتره مش جايبه همها ما تسبيني اتجوز..
مها پحده
مين دي اللي عينك منها يا حسن وعايز تتجوزها عليا..
حسن اتوتر وقال
ها ايه اللي انتي بتقوليه ده يا مها انا بقول كده عشانا انا وانتي الواد ده زي ما هيبقي ابني هيبقي ابنك..
مها
بقولك ايه يا حسن لو عايز تسمع كلام امك وتتجوز راشا كنت هعديها لانك مڠصوب عليها من امك انما البت اللي عندها ١٨ سنه وشغلاك اليومين دول لو اتجوزها الله في سمااه اخليك ما تلاقي تاكل والقانون يا اخويا دلوقتي في حق المرآه..
اتغاظ حسن وقال ليها
خلاص كأني ما قولتش حاجه اتخمدي يا مها..
مها
ما انا بقول كده برضو عشان ما نزعلش من بعض وانت عارف ان زعلي وحش..
نام حسن جنبيها وقال لنفسه بغيظ
والله لاتجوزها في السر يا مها هو انا هضيع فرصة اني اتجوز بنت صغيره زي دي ليه بس..
_وتاني يوم الصبح كانت مها قاعده عند التلفزيون وطلعت حماتها لابسه وخارجه وقفت قدامها مها وقالت
مها
علي فين بس يا حماتي..
ناديه
وانتي مالك انتي وسعي كده من قدامي جاتك الهم..
بصت ليها مها من فوق لتحت وقالت
طيب ولما ابنك يسالني عليكي اقول ليه ايه تحبي اقول ليه امك راحت فين..
ناديه بغيظ
قوليلو راحت في نصيبه وسعي كده من طريقي ربنا ياخدك واخلص منك انتي واللي ليكي..
_طلعت حماتها وهي مسكت موبيلها وكلمت وقالت ليه بكل شړ وحقد..
مها
ايوه يا عادل اهي طلعت اهي وجيالك في الطريق..
عادل
طيب انا مستنيها اقفلي بقي ولو جه ابنها داري عليها انا مش عايز حد يزعجني..
مها
طيب يا اخويا والنبي انا ما عارفه عاجبك فيها ايه دي..
عادل
اقفلي انتي بس عشان شكلها وصلت..
_قفل عادل مع مها وطلع فتح الباب اللي كان بيخبط وكانت ناديه واقفه قدامه وخاېفه جدا…
عادل
نورتي يا ندود