حزمان جوزي
الدكتور
على فكره التوتر العصبي ده هو السبب في اللي انت فيه انت لازم تهدى شويه ما ينفعش
كده يا استاذ احمد
احمد
طيب وهو ده ماله ومال اني انا بعيد عن مراتي يا دكتور بقول لك انا بعيد عن مراتي بقالي كام شهر ومش عارف أقرب منها خالص
الدكتور
طيب ما يمكن المشكله تكون من مراتك ما تحاول تتجوز واحده ثانية يمكن تقدر انك تخلف منها
احمد
مش هينفع يا دكتور انا لو عملت كده وشوفت واحده تانية مش بعيد مراتي تطلب مني الطىلاق وانا بحبها ومش هقدر اعيش من غيرها
الدكتور
هدي نفسك بس خد العلاج ده وخليك ماشي عليه وبعد كده هتعملي شوية التحاليل دي وان شاء الله خير وربنا معاك
وبعدها مشي من عنده وراح شىقه سناء
سناء
اهلا ازيك يا احمد عامل ايه اخبارك ايه امال فين رقيه انا بقالي كتير مش شوفتها يعني
احمد
رقيه موجوده في الشىقه انت اللي حابسه نفسك دايما هنا يا سناء تعالي واخرجي واقعدي معاها شويه
سناء
بصراحه بكون مرتاحه اكثر طول منا موجوده في شىقتي هنا تعالى اتفضل انا هحضر الغداء دلوقتي تعالي اتغدى معانا
احمد
لا لا معلش اصل انا والله عندي مشوار مهم جدا وكنت عايز اخذ ساره كده وبعدين اصل انا زعلتها امبارح وكنت عايز اصالحها
سناء
حاول تتكلم مع البنت دي شويه يا احمد انا والله ما اعرفش هي ليه على طول ساكته وعلى طول موجوده لوحدها مش فاهمه في ايه
احمد
علي العموم سيبها عليا المهم خليها تيجي وبعدها خرجت من جوه
ساره
معلش يا عمي انا ورايا مذاكره كثيره جدا ومش هينفع اخرج ولا اروح في حته معاك وخليها وقت ثاني بقا ابقي فاضية
سناء
هو في ايه يا بنت انت ازاي تتكلمي مع عمك بالطريقه اللي انتي بتتكلمي بيها دي ما تهدي شويه كده وشوفي عمك عايزك في ايه الاول
احمد
طيب ياسناء معلش اعملي لي كوبايه شاي بعد اذنك هتعبك معايا
سناء
متقولش كده يا احمد حالا هعملك احلى كوبايه شاي وبعدها دخلت المطبخ
ساره
انا مش طالعه معاك الاوضه اللي فوق دي تاني انت سامع ولا لا ومش هعمل اللي انت عايزة مني
احمد
بقولك ايه يا بنت هو في ايه بالظبط انا حاسس ان في حد ملا دماغك اتعدلي كده يا ساره على لحسن انت ما تعرفيش انا ممكن اعمل فيكي ايه
ساره
خلاص براحه سيب ايديا خلاص حاضر هعمل لك كل اللي انت عايزه هنعمل ايه بقا دلوقتي
احمد
اطلعي اسبقيني على فوق وانا جاي وراكي يلا روحي
وطلعت سارة وخرجت سناء بالشاي واحمد قالها
احمد
خلاص بقا يا سناء انا ماشي دلوقتي اصل افتكرت اني عندي مشوار مهم اوي يلا سلام
وطلع فوق عند سارة وفي بيت سليمان قال لحالته
سليمان
على فكرة ياخالتي انا خلاص كده جبتي أخرى منك انتي لازم تتصرفي في الحوار بتاع رقيه هي ايه للدرجة ماسكة فيه مع انه ولا ليه اي تلاتين لازمة
الخاله
معلش يا سليمان يابني القلب مايريد بقا هعملها ايه اكتر من كده انت عارف يا سليمان ده انت ماتعرفش انا اتكلمت معاها عنك كتير ازاى
سليمان
انا مليش في الكلام ده يا حماتي انا عايز فلوسي ماشي تجيبي لي فلوسي دلوقتي حالا ياما اروح لرقيه واقولها على كل حاجة
الخاله
وهتقولها ايه بقا يا سليمان هاتقولها انك انت بتحط لجوزها حاجة عشان تخليه مش راجل
سليمان
بقولك ايه يا خالتي ده احنا دىفنينو سوا وانتي اللي قولتي عايزة حل انك تعملي فيه حاجة عشان بنتك تكرهه صح ولا لا
الخاله
اسمع يا سليمان احنا مش هنفضل كل شوية نهدد بعض كده انا خلاص صرفت الفلوس وبقولك اصبر عليا لحد لما اطىلق لك البت وتتجوزها
سليمان
امممم يعني انتي عايزة تضحكي عليا تاني وتفهميني ان انتي صرفتي الفلوس وطبعا بتقولي كده عشان ماخدش منك حاجة
الخاله
يا سليمان ده انا طول عمري بقول عليك جدع وابن حلال مستخسر فيا الفلوس
سليمان
ماشي يا خالتي على العموم انا هستني عليكي شوية كمان
وعند احمد رجعت سارة بملف في ورق مهم وقالت له
سارة
اتفضل الملف اهو ممكن بقا ترحمني شوية من الشغلانة المهببه دي انا تعبت يا عمي
احمد
تعبتي من ايه يا بت ما انتي بتاخدي فلوس اااد كده وبتحوشيهم من ورا امك ولا انتي مبقتيش بتحبي الفلوس
سارة
لا يا عمي بحبها جدا ما أنا طالعه لك بس الصراحة المشوار اللي رحته النهاردة ده الراجل بقا يعمل حركات غـ,ـريبة ده كان عايز يتخرش بيا
احمد
ازاى الكلام ده طيب انا هجيب لك حقك من الكلب ده ومش هخليه يهوب ناحيتك بس انتي متعرفيش الورق ده مهم اد ايه والناس هتدفعي فيه فلوس كتيرة
سارة
طيب انا عايزة نصيبي بسرعه وشيماء اختي بقا هي اللي عليها الطلعه اللي جايه يا عمي ماشي عشان بس انا عايزة اذاكر
احمد
وانا مش هكسر لك كلمة يا سوسو انتي اليومين دول ركزي في المذاكرة ولما يبقا عمليه سرقة كبيرة هبقا أعرفك
سارة
استغفر الله العظيم هو انا يا عمي يعني اللي اي حاجه كبيرة بتاخدني فيها متاخد شيماء
احمد
اعملك ايه يا بت ما انتي اللي حلوه وزي القمر والناس بتطلبك بالاسم هو انتي يعني مش شايفه الناس هتتهبل عليكي ازاي يا سوسو ركزي في الشغل عشان تكسبي اكتر
سارة
ماشي يا عمي لما اخرتها معاك ايه بس ياريت يعني بلاش تعمل الشويتين اللي بتعملهم قدام العيله وتفضل تعلق على طريقة لبىسي وانت اللي عايزني البىس كده
احمد
يابت ما أنا لازم اعمل كده قدامهم اومال يعني عايزاهم يقولو اني انا سايبكم كده ماهي هتبقا في وشي برضو
سارة
والله انا عمري ما شوفت كده ابدا في حياتي الصراحة يا عمي علي العموم انا همشي دلوقتي عشان عندي درس ولازم اروحة
ومشيت سارة وقابلت حازم اللي بيحبها وقال
حازم
ازيك يا سارة عامله ايه طمنيني عليكي انا ببعت لك على الواتس وانتي مش معبراني خالص فى ايه
سارة
مفيش حاجة يا حازم ارجوك انا عايزة اروح الدرس دلوقتي ومش فاضية عن اذنك
حازم
استني بس يا سارة انا مش فاهم انتي ليه دايما قافله مني كده ومش عايزة تعبريني مع اني بحبك يا سارة
سارة بحزن
بس انا اللي زي يا حازم مش هينفع تحب وتتحب ارجوك ابعد عني انا طريقي غير طريقك خالص عشان خاطري تسبني في حالي وانت ركز في مستقبلك
حازم
انا مستقبلي معاكي انتي وعلى العموم انا اتكلمت مع ماما وقالت لي انها هتكلم والدتك ونقرا فاتحة دلوقتي وبعدين نبقا نتجوز على ما اكون اتخرجت وانتي تكوني خلصتي دراسة
سارة
إن شاء الله يا حازم عن اذنك
ومشيت سارة وهي بتعيط وبتكلم نفسها وقالت
